Gipuzkoako Aparejadore eta Arkitekto Teknikoen Elkargo Ofiziala

2026ko Ondarearen Europako Jardunaldiak hamargarren edizioa betetzen ari dira Gipuzkoan, eta lelo batekin datoz, ia gonbidapena dena: Gure eskuetan. Ondarea gure eskuetan dago. Irailetik azarora, 157 ekitaldik 36 udalerritan normalean itxita egoten diren ateak irekiko dituzte: bisita komentatuak, ibilbideak, esperientzia murgiltzaileak, tailerrak eta askoz gehiago.

Aurtengo edizioak kultura-ondare materialari eta immaterialari eragiten dieten ingurumeneko, gizarteko eta teknologiako arriskuetan jartzen du arreta, bai eta ondarea babesteko, transmititzeko eta bizirik mantentzeko modu desberdinetan ere. Jarduerak hiru lan-ildoren inguruan egituratzen dira: Biziberritu, BabestU, Berrirudikatu

Programa osoa eta informazio gehiago: Hemen

[SIM 2026] · Madrilgo Industrializazio Astea (urriak 13–16, Madril) 4 jardunalditan biltzen ditu —Pentsatu, Fabrikatu, Ikertu, Aplikatu— eraikuntza industrializatuaren erreferente nazional eta nazioartekoak, bisita teknikoak, kasu praktikoak eta Rafael Leozi eskainitako omenaldi berezia. Antolatzailea: COAATM, Digital Construction Hub-ekin batera. Izen-ematea zabalik. Programa osoa erantsita.

Izen-emateak: www.sim2026.es

Kontseilu Nagusiko Kabinete Teknikoak 2026. urteari dagokion 4. zenbakiko Hoja Informativa Técnica (HIT) prestatu du formatu digitalean. Bertan, azken hilabeteetako erregelamenduei, araudiari eta erreferentziazko gainerako dokumentazioari buruzko hainbat eduki jaso dira.

HIT 4/2026 informazio-orri teknikoa

Kontsultatu zenbaki berri honetako eduki guztiak formatu digitalean.

SARTU HIT 4/2026ra

Azken urteotan, fatxaden birgaitze-lanek eta eraikinetako isolamendu termikoek eragin handia izaten ari dira enara arruntaren, enara azpizuriaren eta sorbeltz arruntaren gisako espezieen kontserbazioan; izan ere, kasu askotan, espezie horiek habia egiteko erabiltzen dituzten lekuak desagertzea eragiten dute. Gogorarazi nahi dugu espezie horiek, baita haien habiak ere, legeak babesten dituela (42/2007 Legea, Natura Ondareari eta Biodibertsitateari buruzkoa).

Egoera horren aurrean, irailaren 29an, Tolosan, Aranzadi Zientzia Elkarteak hirigintza eta ingurumeneko udal-teknikariei zuzendutako jardunaldi teknikoa antolatu du. Bertan, Bartzelonako Udaleko eta Kataluniako Generalitateko teknikariek parte hartuko dute, eta espezie horien kudeaketarako erabiltzen duten prozedura azalduko dute. Horrez gain, Gipuzkoako udaletako ingurumeneko eta hirigintzako teknikariek ere parte hartuko dute.

Izen-ematea ondoko estekan: izen-ematea